വാഷിംഗ്ടണ്‍ ഡി‌സി: വിശുദ്ധ യൗസേപ്പ് പിതാവിന്റെ തിരുനാള്‍ ദിനത്തില്‍ സന്ദേശവുമായി യുഎസ് പ്രസിഡന്റ് ഡൊണാള്‍ഡ് ട്രംപ്. വിശ്വാസത്തിന്റെയും ശക്തിയുടെയും മാതൃകയായ യൗസേപ്പ് പിതാവിന്റെ ജീവിതത്തെയും സദ്‌ഗുണങ്ങളെയും അനുസ്മരിച്ചാണ് പ്രസിഡന്റിന്റെ തിരുനാള്‍ സന്ദേശം വൈറ്റ് ഹൌസ് ഔദ്യോഗികമായി പുറത്തിറക്കിയത്. എളിമ, അനുസരണം, ശാന്തമായ ധൈര്യം എന്നിവയിലൂടെ യൗസേപ്പ് പിതാവ് ശാശ്വത മാതൃകയാണ് കാണിച്ചതെന്ന് പ്രസിഡന്‍റ് അനുസ്മരിച്ചു.

വിശുദ്ധ യൗസേപ്പ് ഒരു മാതൃകാ പിതാവും, ഭർത്താവും, തൊഴിലാളിയുമായിരുന്നു. അതുപോലെ തന്നെ ക്രിസ്തീയ സദ്‌ഗുണത്തിന്റെ ജീവിക്കുന്ന ഒരു രൂപവുമായിരുന്നു. തന്റെ കുടുംബത്തെ സംരക്ഷിക്കുന്നതിനും ദൈവപുത്രനെ വളർത്തുന്നതിനുമായി, ബഹുമതിയോ അംഗീകാരങ്ങളോ ഇല്ലാതെ, വിശ്രമമില്ലാതെ പ്രവർത്തിച്ചുകൊണ്ട് അദ്ദേഹം തന്റെ ജീവിതം ചെലവഴിച്ചു. എല്ലാ പരീക്ഷണങ്ങളിലൂടെയും കഷ്ടപ്പാടുകളിലൂടെയും, വിശുദ്ധ യൗസേപ്പ് തന്റെ കുടുംബത്തെ അന്തസ്സോടെയും, ശക്തിയോടെയും, ധാർമ്മിക ധൈര്യത്തോടെയും നയിച്ചു.

അനിശ്ചിതത്വവും അപകടകരമായ സാഹചര്യവും മുന്നിൽ വീണ്ടും വീണ്ടും വന്നപ്പോഴും വിശ്വാസം, ധൈര്യം, വിനയം, അനുസരണ എന്നിവയാൽ അദ്ദേഹം ദൈവഹിതത്തിന് ധീരമായി കീഴടങ്ങി. യേശുക്രിസ്തുവിന്റെ ജീവിതത്തിലും രക്ഷാചരിത്രത്തിലും ഒരു പ്രധാന പങ്ക് വഹിച്ചു. വിശുദ്ധ യൗസേപ്പിന്റെ തിരുനാൾ ദിനത്തിൽ, അവിശ്വസനീയമായ ജീവിതത്തെ നാം ആദരിക്കുകയാണ്. അദ്ദേഹത്തിന്റെ എണ്ണമറ്റ നിശബ്ദ ത്യാഗങ്ങൾക്ക് നാം ആദരം അർപ്പിക്കുകയാണെന്നും പ്രസിഡന്‍റ് തിരുനാള്‍ സന്ദേശത്തില്‍ അനുസ്മരിച്ചു.

♦️ 'പ്രവാചകശബ്‌ദ'ത്തെ സഹായിക്കാമോ? ♦️