ഫെബ്രുവരിയിൽ നടന്ന അവസാന വാദത്തില്, നിർബന്ധപൂർവ്വം ഇസ്ലാം മതത്തിലേക്ക് മാറ്റുകയും ഇഷ്ടത്തിന് വിരുദ്ധമായി വിവാഹം കഴിപ്പിക്കുകയും ചെയ്തുവെന്ന് ആരോപിച്ച് മരിയയുടെ കുടുംബം നൽകിയ ഹർജി കോടതി തള്ളി. പ്രായപൂർത്തിയാകാത്തവര്ക്ക് മതപരിവർത്തനത്തിനോ വിവാഹത്തിനോ സമ്മതം നൽകാനാവില്ല എന്ന നിബന്ധന പോലും പരിഗണിക്കാതെ ആയിരിന്നു കോടതി വിധി. കോടതി വിവാഹം സാധുവാണെന്ന് വിധിക്കുകയും ഷെഹ്ര്യാർ അഹ്മദ് എന്ന പ്രതിയുടെ ഒപ്പം തിരികെ അയക്കുകയും ചെയ്തു. ഇത് വലിയ വിമര്ശനത്തിന് കാരണമായിരിന്നു.
അസമത്വം നിലനിൽക്കുകയും കുറ്റവാളികൾക്കു ശിക്ഷാനടപടികളില്ലാതെ പോകുകയും ചെയ്യുന്ന പാക്കിസ്ഥാനില് നിർബന്ധിത മതപരിവർത്തനങ്ങളും ബാല വിവാഹങ്ങളും വ്യാപകമാണ്. ന്യൂനപക്ഷമായ ക്രൈസ്തവ പെൺകുട്ടികളെ തട്ടിക്കൊണ്ടുപോയി ഇസ്ലാം മതത്തിലേക്ക് നിര്ബന്ധപൂര്വ്വം പരിവര്ത്തനം ചെയ്തുള്ള വിവാഹം പാക്കിസ്ഥാനില് ഇപ്പോള് വ്യാപകമായി മാറിയിരിക്കുകയാണ്. ഇതിനെതിരെ അന്താരാഷ്ട്ര തലത്തില്പോലും പ്രതിഷേധം ശക്തമാണെങ്കിലും നടപടി സ്വീകരിക്കാന് ഭരണകൂടം തയാറായിട്ടില്ല.
** Editor's Note: 2022-ല് തട്ടിക്കൊണ്ടുപോകലിനും, മതം മാറ്റത്തിനും നിര്ബന്ധവിവാഹത്തിനും ഇരയായതിന്റെ പേരില് ലോകമെമ്പാടും വാര്ത്തകളില് നിറഞ്ഞു നിന്നിരുന്ന പാക്കിസ്ഥാനി ക്രിസ്ത്യന് പെണ്കുട്ടി മരിയ ഷഹ്ബാസിന്റെ സംഭവവും ഈ വാര്ത്തയും വ്യത്യസ്തമാണ്. ഇരു സംഭവങ്ങളിലും ഇരയായ പെണ്കുട്ടികളുടെ പേര് ഒന്ന് തന്നെയാണെന്ന വസ്തുത മാത്രമേയുള്ളൂ. രണ്ടു പെണ്കുട്ടികളും വ്യത്യസ്ത കാലയളവില് പീഡനത്തിന് ഇരയായവരാണ്.
♦️ 'പ്രവാചകശബ്ദ'ത്തെ സഹായിക്കാമോ? ♦️
