മാഡ്രിഡ്: വിശ്വാസ പാരമ്പര്യത്തെ മുറുകെപ്പിടിക്കുകയും സംരക്ഷിക്കുകയും ചെയ്യേണ്ടതുണ്ടെന്നു സ്പാനിഷ് സഭയോട് ലെയോ പാപ്പ. സ്പെയിനില്‍ അപ്പസ്തോലിക സന്ദര്‍ശനം തുടരുന്ന പാപ്പ, ഇന്നലെ ജൂൺ എട്ടാം തീയതി സ്പെയിനിലെ മെത്രാൻ സമിതി അംഗങ്ങളുമായി കൂടിക്കാഴ്ച നടത്തി സംസാരിക്കുകയായിരിന്നു. കൂട്ടായ്മ വളർത്താനും, യുവജനങ്ങൾക്കുൾപ്പെടെ ഇന്നത്തെ ലോകത്തിന് വിശ്വാസമാർഗ്ഗത്തിൽ വഴികാട്ടിയാകാനും പാപ്പ ആഹ്വാനം ചെയ്തു.

അനാവശ്യമായവ ഒഴിവാക്കി, എന്നാൽ വിശ്വാസപാരമ്പര്യം കാത്തുസൂക്ഷിച്ച് നാനാത്വം ജീവിക്കുന്ന ഇന്നിന്റെ സമൂഹത്തിൽ കണ്ടുമുട്ടലുകളും സഹകരണവും വളർത്തി മുന്നോട്ട് പോകാൻ പാപ്പ സ്പെയിനിലെ സഭയെ ക്ഷണിച്ചു. യേശു തന്റെ ശിഷ്യരോട് ആവശ്യപ്പെട്ടതുപോലെ കൂട്ടായ്മ പുനരുജ്ജീവിപ്പിക്കാനാണ് താനും ആവശ്യപ്പെടുന്നതെന്ന് പാപ്പ സന്ദേശത്തിനിടെ വ്യക്തമാക്കി. ആദ്ധ്യാത്മികമേഖലയിലെ പരസ്പരമുള്ള ആശയകൈമാറ്റത്തിനുള്ള പ്രാധാന്യം തന്റെ പ്രഭാഷണത്തിൽ പാപ്പ പ്രത്യേകം പരാമർശിച്ചു.

നമ്മുടെ ഈ യാത്രയിൽ പഴമയുടേതായ കാര്യങ്ങളെക്കുറിച്ച് ചിന്തിച്ചും, അനാവശ്യമായ ഭാരങ്ങൾ പേറിയും വിശ്വാസയാത്രയെ ബുദ്ധിമുട്ടേറിയതാക്കാതെ മുന്നോട്ട് പോകേണ്ടതുണ്ട്. എന്നാൽ അതേസമയം വിശ്വാസപരമ്പര്യത്തെ മുറുകെപ്പിടിക്കുകയും സംരക്ഷിക്കുകയും ചെയ്യേണ്ടതുണ്ട്. സ്വാതന്ത്ര്യവും ധൈര്യവും വിവേകപൂർവ്വം ഉൾച്ചേർത്ത് വേണം മുന്നോട്ട് പോകേണ്ടതെന്നും പാപ്പ ഉദ്‌ബോധിപ്പിച്ചു.

മെത്രാന്മാർക്ക് ഐക്യം വളർത്താനുള്ള ചുമതലയുണ്ടെന്ന് ഓർമ്മിപ്പിച്ച പാപ്പ, ക്രിസ്തുവുമായും, പത്രോസിന്റെ പിൻഗാമിയുമായും, ആഗോളസഭയുമായും, വൈദികരും രൂപതാസമൂഹവുമായും, സമർപ്പിതരുമായും, വ്യത്യസ്ത സഭാസംഘടനകളുമായുമുൾപ്പെടെ ഐക്യം വളർത്താനുള്ള ചുമതലയാണതെന്ന് പാപ്പ പറഞ്ഞു. നമ്മുടെ തീർത്ഥാടനത്തിൽ ഭക്ഷണമായിത്തീരുകയും രക്ഷയിലേക്കുള്ള വഴി തുറക്കുകയും ചെയ്യുന്നവയാണ് തിരുവചനവും വിശുദ്ധ കുർബാനയെന്നും പാപ്പ സന്ദേശത്തിനിടെ മെത്രാന്മാരെ ഓര്‍മ്മിപ്പിച്ചു.

♦️ 'പ്രവാചകശബ്‌ദ'ത്തെ സഹായിക്കാമോ? ♦️

കത്തോലിക്ക സന്നദ്ധ സംഘടനയ്ക്കു 240 മില്യൺ ഡോളറിന്റെ സഹായം അനുവദിച്ച് അമേരിക്കന്‍ ഭരണകൂടം

നാസികളുടെ കൊടും പീഡനത്തിന് ഇരയായ ഒന്‍പത് സലേഷ്യൻ വൈദികര്‍ വാഴ്ത്തപ്പെട്ട പദവിയില്‍

വിശാഖപട്ടണം അതിരൂപതയുടെ മുന്‍ ആര്‍ച്ച് ബിഷപ്പ് മല്ലവരപു പ്രകാശ് ദിവംഗതനായി

പുഷ്പദളങ്ങൾ വിതറി കുഞ്ഞുങ്ങൾ, ദിവ്യകാരുണ്യ നാഥനുമായി ലെയോ പാപ്പ; മാഡ്രിഡിൽ അവിസ്മരണീയ കാഴ്ച

മാഡ്രിഡില്‍ ലെയോ പാപ്പ അര്‍പ്പിച്ച വിശുദ്ധ കുര്‍ബാനയില്‍ പങ്കെടുത്തത് 12 ലക്ഷം വിശ്വാസികള്‍

മൊസാംബിക്കിൽ കത്തോലിക്ക മെത്രാൻ വെടിയേറ്റ് കൊല്ലപ്പെട്ടു

സ്‌പെയിനില്‍ ലെയോ പാപ്പയ്ക്ക് രാജകീയ വരവേല്‍പ്പ്

14 വർഷങ്ങൾക്ക് ശേഷം ഇഡ്‌ലിബിലെ ക്രൈസ്തവ കുടുംബങ്ങൾ സ്വന്തം ഗ്രാമങ്ങളിലേക്ക് മടങ്ങിയെത്തി

ഫ്രാന്‍സില്‍ കുമ്പസാര രഹസ്യം വെളിപ്പെടുത്തുവാന്‍ വൈദികര്‍ക്ക് സമ്മര്‍ദ്ധം നല്‍കുന്ന വിവാദ ശുപാര്‍ശ പിന്‍വലിച്ചു

ഷാർജയിൽ ക്രൈസ്തവ ഐക്യത്തിന്റെ അടയാളമായി പുതിയ സെമിത്തേരി