ലണ്ടന്‍: നൈജീരിയയില്‍ അരങ്ങേറുന്ന ക്രൈസ്തവ കൂട്ടക്കൊലകളില്‍ ലോകം പുലർത്തുന്ന നിശബ്ദതയെ ചോദ്യം ചെയ്ത് ബ്രിട്ടീഷ് നടന്‍ ജോൺ ക്ലീസ്. സോഷ്യൽ മീഡിയയില്‍ പങ്കുവെച്ച പോസ്റ്റിലൂടെയാണ് അദ്ദേഹം പ്രതികരണം നടത്തിയത്. കറുത്തവരുടെ ജീവിതങ്ങൾക്ക് പ്രാധാന്യമില്ലെന്ന് തോന്നുകയാണെന്നും കൂടാതെ, ഇതിനെക്കുറിച്ച് എഴുതുന്നത് ഈ പാവങ്ങളെ കൊന്ന കൊലയാളികളുടെ പ്രതിച്ഛായയെ തകർക്കുമെന്നും അദ്ദേഹം വിമര്‍ശനരൂപേണ പോസ്റ്റില്‍ ചൂണ്ടിക്കാട്ടി.

It looks rather as though Black Lives Don't Matter

Also, writing about it would damage the image of the murderers who killed these poor people https://t.co/0piHvxZPnQ

— John Cleese (@JohnCleese) April 7, 2026

വിശുദ്ധ വാരത്തിലും ഈസ്റ്ററിലും കുറഞ്ഞത് 33 ക്രിസ്ത്യാനികൾ കൊല്ലപ്പെട്ട വാര്‍ത്തയോട് പ്രതികരിക്കുകയായിരുന്നു അദ്ദേഹം. ബെനു സംസ്ഥാനത്തെ രണ്ട് ഗ്രാമങ്ങളിലെ ക്രിസ്ത്യൻ സമൂഹങ്ങൾക്ക് നേരെ ഫുലാനി തീവ്രവാദികൾ ഒരേസമയം ആക്രമണം നടത്തിയതിനു പിന്നാലെ ഈസ്റ്റർ ഞായറാഴ്ച 26 പേർ കൊല്ലപ്പെട്ടു. അതേ ദിവസം തന്നെ, കടുണ സംസ്ഥാനത്തെ അരിക്കോ ഗ്രാമത്തിലെ രണ്ട് പള്ളികൾ ആക്രമിക്കപ്പെട്ടതിൽ ഏഴ് പേർ കൊല്ലപ്പെട്ടു. നിരവധി പേർക്ക് പരിക്കേറ്റിരിന്നു.

Why isn’t the world talking about the massacre of Christians by Islamist terrorists??!!!! https://t.co/Y1swIjYPZy

— Leo Terrell (@LeoTerrellDOJ) April 6, 2026

ഇതിനെ അപലപിച്ചു അമേരിക്കന്‍ നീതി ന്യായ വകുപ്പിലെ ലിയോ ടെറേല്‍ പങ്കുവെച്ച കുറിപ്പു റീപോസ്റ്റ് ചെയ്താണ് നടന്‍ ജോൺ ക്ലീസ് പോസ്റ്റ് പങ്കുവെച്ചത്. സിദ്ധാന്തങ്ങൾ പരിഗണിക്കാതെ തന്നെ യുകെ എല്ലായ്‌പ്പോഴും ക്രിസ്ത്യൻ മൂല്യങ്ങളെ അടിസ്ഥാനമാക്കിയുള്ളതാണെന്നും നൂറ്റാണ്ടുകളായി ബ്രിട്ടീഷ് ജനത ക്രിസ്തുവിന്റെ പ്രബോധനങ്ങളാല്‍ സ്വാധീനിക്കപ്പെട്ടിട്ടുണ്ടെന്നും ഈ മൂല്യങ്ങൾ ഇസ്ലാമിക മൂല്യങ്ങൾ ഉപയോഗിച്ച് മാറ്റിസ്ഥാപിക്കുകയാണെങ്കിൽ, ഇത് ഇനി ബ്രിട്ടൻ ആയിരിക്കില്ലായെന്നും ജോൺ ക്ലീസ് നേരത്തെ പോസ്റ്റ് ചെയ്തിരിന്നു.

♦️ 'പ്രവാചകശബ്‌ദ'ത്തെ സഹായിക്കാമോ? ♦️